പാമ്പാടി : അനുജനൊപ്പം സ്കൂളിലേക്കുപോയ 14-കാരിയെ വഴിയിൽ തടഞ്ഞുനിർത്തി പീഡിപ്പിച്ച സംഭവത്തിൽ 52കാരൻ അറസ്റ്റിൽ. പാമ്പാടി വെള്ളൂർ കാരയ്ക്കാമറ്റംപറമ്പിൽ ഓമനക്കുട്ടനെയാണ് പാമ്പാടി പോലീസ് ഇൻസ്പെക്ടർ യു.ശ്രീജിത്ത് അറസ്റ്റുചെയ്തത്. കഴിഞ്ഞദിവസം രാവിലെയായിരുന്നു സംഭവം. സ്കൂളിലേക്ക് നടന്നുപോകുന്നതിനിടെ ഇടവഴിയിൽ പതുങ്ങിയിരുന്ന ഇയാൾ പെൺകുട്ടിയെ കടന്നുപിടിച്ച് പീഡിപ്പിക്കുകയായിരുന്നുവെന്നാണ് കേസ്. വൈകീട്ട് വീട്ടിലെത്തിയ കുട്ടി വിവരം പറഞ്ഞതിനെത്തുടർന്ന് വീട്ടുകാർ പാമ്പാടി പോലീസിൽ പരാതി നൽകി. തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്. കോട്ടയം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ ഇയാളെ 14 ദിവസത്തേക്ക് റിമാൻഡുചെയ്തു
