ബെംഗളൂരു: രാഹുൽഗാന്ധിക്കെതികെ കേസ് വന്നതും വിധിവന്നതും വീടൊഴിയാൻ പറഞ്ഞതുമെല്ലാം 24 മണിക്കൂറിനുള്ളിലാണെന്നും ഇതാണോ ജനാധിപത്യമെന്നും കോൺഗ്രസ് ദേശീയ അധ്യക്ഷൻ മല്ലികാർജുൻ ഖാർഗേ. കോലാറിൽ രാഹുൽ പ്രസംഗിച്ചതിന് കേസ് വന്നത് ഗുജറാത്തിലാണ്.
കോടതി വിധി പറഞ്ഞതിന് പിന്നാലെ വേഗതയിൽ അയോഗ്യത വന്നു. അതിന് പിന്നാലെ വീടൊഴിയാൻ നിർദേശം വന്നു. എംപി ഓഫിസിലെ ഫോണും വൈദ്യുതിയും കട്ട് ചെയ്തു. എല്ലാം 24 മണിക്കൂറിലാണ് സംഭവിച്ചത്. ഇതാണോ ജനാധിപത്യമെന്നും ഖാർഗേ ചോദിച്ചു.
