ബംഗളൂരു: ബംഗളൂരുവിലെ കഫേയിലുണ്ടായ പൊട്ടിത്തെറിയിൽ നാലുപേർക്ക് പരിക്കേറ്റു. മൂന്നു ജീവനക്കാർക്കും കഫേയിലെത്തിയ ഒരാൾക്കുമാണ് പരിക്കേറ്റത്.എച്ച്.എ.എൽ പൊലീസ് സ്റ്റേഷൻ പരിധിയിലാണ് സംഭവം. പാചകവാതക സിലിണ്ടർ പൊട്ടിത്തെറിച്ചതാണ് അപകടത്തിന് കാരണമെന്നാണ് പ്രാഥമിക നിഗമനം.വൈറ്റ്ഫീൽഡ് ഫയർ ഫോഴ്സ് സ്ഥലത്തെത്തിയിട്ടുണ്ട്. സ്ഥിതിഗതികൾ വിശകലനം ചെയ്തുവരുകയാണെന്ന് അധികൃതർ അറിയിച്ചു.
