കൊല്ലം : കത്തികാട്ടി സ്വര്ണക്കടയില് നിന്ന് മാല കവര്ന്നു. കൊല്ലം മൂന്നാംകുറ്റി ജങ്ഷനിലെ സ്വര്ണക്കടയിലാണ് കവര്ച്ച നടന്നത്. കടയ്ക്കു സമീപം മറഞ്ഞു നിന്ന് പരിസരം നിരീക്ഷിച്ച ശേഷം മോഷ്ടാവ് അകത്തെത്തിയത്. ജീവനക്കാരെ കത്തികാട്ടി ഭീഷണിപ്പെടുത്തി 25 ഗ്രാമിന്റെ സ്വര്ണ മാലയുമായി കടന്ന് കളയുകയായിരുന്നു. എതിര്ക്കാന് ശ്രമിച്ച ഉടമയെ തട്ടിമാറ്റിയ ശേഷമാണ് ഇയാള് പുറത്തേക്ക് ഓടിയത്. നീല ജീന്സും കറുത്തെ ഫുള് കൈ ജാക്കറ്റുമാണ് മോഷ്ടാവ് ധരിച്ചിരുന്നത്. കടയുടെ സമീപം നിര്ത്തിയിട്ടിരുന്ന ബൈക്കില് കയറി മറ്റു രണ്ടുപേര്ക്കൊപ്പം മോഷ്ടാവ് പോകുന്ന സി.സി.ടി.വി ദൃശ്യങ്ങള് കിളികൊല്ലൂര് പൊലീസിന് ലഭിച്ചിട്ടുണ്ട്.
