ഉറക്കം മനുഷ്യന് ഏറെ അനുവാര്യമായ കാര്യമാണെന്ന് എല്ലാവര്ക്കും അറിയാമല്ലോ. ആവശ്യത്തിന് ഉറക്കം ലഭിച്ചില്ലെങ്കില്, അത് ശരീരത്തെയും മനസ്സിനെയും ഒരുപോലെ ബാധിക്കാം. രാത്രി നന്നായി ഉറങ്ങിയില്ലെങ്കില് ക്ഷീണം, ദേഷ്യം, പകൽ സമയങ്ങളിൽ ഉണ്ടാകുന്ന ഉറക്കം, രോഗപ്രതിരോധ ശേഷി ദുർബലമാവുക, ഉയർന്ന രക്തസമ്മർദ്ദം, മാനസിക സമ്മര്ദ്ദം എന്നിവയ്ക്ക് എല്ലാം കാരണമാകും. കണ്ണിന് ചുറ്റുമുള്ള കറുത്ത പാടിന് വരെ ഉറക്കമില്ലായ്മ ഒരു കാരണമാണ്. പല കാരണങ്ങള്ക്കൊണ്ടും രാത്രിയില് നല്ല ഉറക്കം ലഭിക്കാതെ വരാം. സ്ട്രെസും മറ്റുമൊക്കെ ഇതിന് കാരണങ്ങളാണ്. രാത്രി നല്ല ഉറക്കം ലഭിക്കാന് സഹായിക്കുന്ന ചില ഭക്ഷണങ്ങളെ പരിചയപ്പെടാം…
ഒന്ന്…
പാല് ആണ് ആദ്യമായി ഈ പട്ടികയില് ഉള്പ്പെടുന്നത്. ഒരു ഗ്ലാസ് ചൂട് പാല് എന്നും രാത്രി ഉറങ്ങുന്നതിന് മുമ്പ് കുടിക്കുന്നത് ഉറക്കം ലഭിക്കാന് സഹായിക്കും. പാലിലുള്ള കാത്സ്യമാണ് ഉറക്കം കിട്ടാനുള്ള കാരണം. ഉറക്കത്തെ സഹായിക്കുന്ന ‘മെലാറ്റോണിന്’ എന്ന ഹോര്മോണ് ഉത്പാദിപ്പിക്കുന്ന ‘ട്രിപ്റ്റോഫാനെ’ തലച്ചോറിലേക്ക് എത്തിക്കുന്ന പ്രവര്ത്തനമാണ് കാത്സ്യം ചെയ്യുന്നത്.
രണ്ട്…
ബദാം ആണ് രണ്ടാമതായി ഈ പട്ടികയില് ഉള്പ്പെടുന്നത്. ശരീരത്തില് മഗ്നീഷ്യം അളവ് കുറയുമ്പോള് ചിലരില് ഉറക്കക്കുറവ് അനുഭവപ്പെടാം. മഗ്നീഷ്യം നല്ല അളവില് അടങ്ങിയിട്ടുള്ള ഒന്നാണ് ബദാം. ബദാമില് അടങ്ങിയിരിക്കുന്ന മഗ്നീഷ്യം ഉറക്കത്തിന് സഹായിക്കുന്ന മെലാറ്റോണിന്റെ ഉത്പാദനം നിയന്ത്രിക്കുന്നു.
മൂന്ന്…
ഡാര്ക്ക് ചോക്ലേറ്റാണ് അടുത്തതായി ഈ പട്ടികയില് ഉള്പ്പെടുന്നത്. ഇവയില് അടങ്ങിയിരിക്കുന്ന സിറോടോണിന് ആണ് ഉറക്കത്തിന് സഹായിക്കുന്നത്. അതിനാല് രാത്രി ഉറങ്ങാന് കിടക്കുന്നതിന് മുമ്പ് ചെറിയ പീസ് ഡാര്ക്ക് ചോക്ലേറ്റ് കഴിക്കാം.
നാല്…
നേന്ത്രപ്പഴം ആണ് നാലാമതായി ഈ പട്ടികയില് ഉള്പ്പെടുന്നത്. രാത്രിയില് നേന്ത്രപ്പഴം കഴിക്കുന്നത് ശരീരത്തിലെ പേശികളെ വിശ്രമിക്കാന് സഹായിക്കും. ഉയര്ന്ന അളവില് പൊട്ടാസ്യവും മഗ്നീഷ്യവും അടങ്ങിയിട്ടുള്ളതാണ് നേന്ത്രപ്പഴം. പൊട്ടാസ്യവും മഗ്നീഷ്യവും ശരീരം ആയാസരഹിതമാക്കി ഉറക്കത്തിലേക്ക് നയിക്കുന്ന ഘടകങ്ങളാണ്. ഇത് മസ്തിഷ്കത്തിലെ ഉഷ്ണനില താഴ്ത്തി നിര്ത്തുന്നതിനും ഹോര്മോണുകളെ നിയന്ത്രിക്കുന്നതിനും സഹായിക്കുന്നു.
അഞ്ച്…
ഓട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഓട്സില് ഫൈബര്, വിറ്റാമിന് ബി എന്നിവ കൂടിയ തോതില് അടങ്ങിയിട്ടുണ്ട്. ഗോതമ്പിൽ അടങ്ങിയിട്ടുള്ളതിനെക്കാളും കാത്സ്യം, പ്രോട്ടീന്, ഇരുമ്പ്, സിങ്ക് എന്നിവയും ഓട്സില് അടങ്ങിയിട്ടുണ്ട്. അതിനാല് ഓട്സ് ഉറക്കം ലഭിക്കാന് വളരെ നല്ലതാണ്.
ആറ്…
കിവി ആണ് ആറാമതായി ഈ പട്ടികയില് ഉള്പ്പെടുന്നത്. വിറ്റാമിനുകളും ധാതുക്കളും ധാരാളമായി അടങ്ങിയ പഴങ്ങളിലൊന്നാണ് കിവി പഴം. വിറ്റാമിന് സി, ഇ എന്നിവയും പൊട്ടാസ്യം, ഫോളേറ്റ് എന്നിവയും കിവിയില് അടങ്ങിയിരിക്കുന്നു. ഉയര്ന്ന ആന്റി ഓക്സിഡന്റ് അളവുകളുള്ള ഒരു പഴം കൂടിയാണ് കിവി. നിരവധി ആരോഗ്യ ആനുകൂല്യങ്ങള് നല്കുന്ന അതേ ആന്റി ഓക്സിഡന്റിന്റെ കഴിവ് ഉറക്കത്തെ മെച്ചപ്പെടുത്താനും സഹായിക്കും. അതിനാല് രാത്രി കിടക്കുന്നതിന് ഒരു മണിക്കൂര് മുമ്പ് രണ്ട് കിവി പഴം കഴിക്കുന്നത് നല്ലതാണ്.
ഏഴ്…
മത്തന് വിത്ത് ആണ് അടുത്തതായി ഈ പട്ടികയില് ഉള്പ്പെടുന്നത്. വറുത്തെടുത്ത മത്തന് വിത്ത് നല്ല ഉറക്കത്തിന് സഹായിക്കുന്ന ഒന്നാണ്. ഇതില് അടങ്ങിയിരിക്കുന്ന ട്രിപ്റ്റോഫാന്, മഗ്നീഷ്യം, സിങ്ക് എന്നിവ മെലാറ്റോണിന്റെ ഉത്പാദനം ത്വരിതപ്പെടുത്തുന്നു.
എട്ട്…
രാത്രി ഭക്ഷണത്തിന് ശേഷം തേന് കഴിക്കുന്നത് നല്ല ഉറക്കം കിട്ടാന് സഹായിക്കും. തേനിലടങ്ങിയിരിക്കുന്ന പ്രകൃതിദത്തമായ പഞ്ചസാര ശരീരത്തിലെ ഇന്സുലിന്റെ അളവ് വര്ധിപ്പിക്കുന്നു. ഇത് തലച്ചോറിലേയ്ക്ക് ട്രൈറ്റോഫാന്, സെറോറ്റോണിന് എന്നിവ എത്തിച്ചേരുന്നതിന് കാരണമാകും. ഇത് ശരീരത്തെ ശാന്തമാക്കുന്ന രാസപദാര്ത്ഥങ്ങള് പുറത്തുവിടും. തേന് തനിച്ചോ അല്ലെങ്കില് ഒരു സ്പൂണ് തേന് ചൂടു പാലിലോ ചേര്ത്ത് കഴിക്കാവുന്നതാണ്.
ഒമ്പത്…
ചോറാണ് അവസാനമായി ഈ പട്ടികയില് ഉള്പ്പെടുന്നത്. രാത്രി ഉറങ്ങുന്നതിന് ഒരു മണിക്കൂര് മുമ്പ് വയറുനിറച്ച് ചോറ് കഴിക്കുന്നത് പെട്ടെന്ന് ഉറക്കം വരാന് സഹായിക്കും. പക്ഷേ ഇതുമൂലം അമിതവണ്ണം ഉണ്ടാകാനുള്ള സാധ്യതയും ഉണ്ട്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
