കുവൈത്ത് സിറ്റി: കുവൈത്തില് കഴിഞ്ഞ 11 മാസത്തിനിടെ വിവാഹ മോചന കേസുകള് വര്ധിച്ചതായി കണക്കുകള്. കഴിഞ്ഞ 11 മാസങ്ങളില് 636 വിവാഹ മോചന കേസുകളാണ് കുവൈത്തില് രജിസ്റ്റര് ചെയ്തത്. ഇതില് 399 കേസുകള് സ്വദേശികളുടേതും 237 എണ്ണം വിദേശികളുടേതുമാണ്.
ഈ കാലയളവില് വിവാഹം കുറഞ്ഞതായും കണക്കുകള് വ്യക്തമാക്കുന്നു. വിവാഹ മോചനങ്ങള് വര്ധിക്കുന്നതിന്റെ യഥാര്ത്ഥ കാരണങ്ങള് വെളിപ്പെടുത്തിയില്ലെങ്കിലും ദമ്പതികള് തമ്മിലെ വിയോജിപ്പുകള്, പൊരുത്തക്കേടുകള് എന്നിവയും മറ്റ് സാമൂഹിക കാരണങ്ങളും വിവാഹ മോചനത്തിലേക്ക് നയിച്ചിട്ടുണ്ടെന്നാണ് റിപ്പോര്ട്ടുകള്.
