ദില്ലി : കോൺഗ്രസും ബിജെപിയും ഒപ്പത്തിനൊപ്പം തുടരുന്ന ഹിമാചലിൽ കോൺഗ്രസ് തന്നെ അധികാരത്തിലെത്തുമെന്ന് സംസ്ഥാന അധ്യക്ഷ പ്രതിഭാ സിംഗ്. 41 സീറ്റ് നേടി കോൺഗ്രസ് അധികാരത്തിലെത്തുമെന്ന ആത്മവിശ്വാസമാണ് പ്രതിഭാ സിംഗ് പങ്കുവെക്കുന്നത്. അതേസമയം ഹിമാചലിലെ ഫലം പ്രവചനാധീതമായി തുടരുകയാണ്. പോസ്റ്റൽ വോട്ടുകൾ എണ്ണിയത് മുതൽ ബിജെപിയും കോൺഗ്രസും ഒപ്പത്തിനൊപ്പമാണ്. വോട്ടിംഗ് മെഷീനിലെ വോട്ടുകൾ എണ്ണി തുടങ്ങുമ്പോഴും ആർക്കും ലീഡ് നൽകാതെയാണ് ഹിമാചലിലെ ചിത്രം നീങ്ങുന്നത്.
എന്നാൽ ഗുജറാത്തിലാകട്ടെ ബിജെപിയുടെ തേരോട്ടമാണ്. കോൺഗ്രസിനെ ബഹുദൂരം പിന്നിലാക്കിയാണ് ബിജെപി മുന്നോറുന്നത്. ഗുജറാത്തിൽ റെക്കോർഡ് ഭൂരിപക്ഷത്തോടെ ബിജെപി അധികാരത്തിലെത്തുമെന്ന് ഉറപ്പിച്ചിരിക്കുകയാണ് ഫലസൂചനകൾ.
