കോഴിക്കോട്: കഴിഞ്ഞ ദിവസം ദുബായില്‍ അന്തരിച്ച കോഴിക്കോട് വടകര മയ്യന്നൂര്‍ സ്വദേശി സക്കീറിന്റെ (46) അവസാനമായി ചിത്രീകരിച്ച വീഡിയോ നൊമ്പരക്കാഴ്ചയാവുന്നു.
ഒരുമാസത്തെ അവധിക്ക് നാട്ടില്‍ എത്തിയ സക്കീര്‍ മൂന്ന് ദിവസം മുന്‍പാണ് തിരിച്ച് ദുബായിലേക്ക് മടങ്ങിയത്. ഉമ്മ ഐഷു വാരിക്കൊടുത്ത ചോറ് കഴിച്ചാണ് സക്കീര്‍ വിമാനത്താവളത്തിലേക്ക് പുറപ്പെട്ടത്.
വല്യുമ്മ, ഉപ്പയ്ക്ക് ഭക്ഷണം വാരിക്കൊടുക്കുന്നതിന്റെ വീഡിയോ സക്കീറിന്റെ ഇളയമകന്‍ ഷഹബാസ് മൊബൈലില്‍ ചിത്രീകരിച്ചിരുന്നു. ഇത് വാട്‌സാപ്പിലും മറ്റും പങ്കുവെക്കുകയും ചെയ്തിരുന്നു.
