പാലക്കാട്: പാലക്കാട് നഗരത്തിൽ പശുവിനെ വായ പിളര്ന്ന നിലയിൽ കണ്ടെത്തി. പാലക്കാട് പട്ടിക്കര ബൈപ്പാസിൽ ആണ് പശുവിനെ വായിൽ ഗുരുതര പരിക്കേറ്റ നിലയിൽ കണ്ടെത്തിയത്. പന്നിപ്പടക്കം പൊട്ടിയാണ് പരിക്കേറ്റതെന്ന് സംശയം. പശുവിനെ കെട്ടിയിട്ടിടത്ത് നിന്ന് പടക്കത്തിൻ്റെ അവശിഷ്ടങ്ങൾ കണ്ടെത്തി. പ്രദേശത്ത് ബോംബ് സ്ക്വാഡ് പരിശോധന നടത്തി. ചോരയൊലിപ്പിച്ചു നിൽക്കുന്ന പശുവിനെ കണ്ട നാട്ടുകാരാണ് വിവരം പൊലീസിനെ അറിയിച്ചത്.
