ഹൈദരാബാദ് : സില്വര്ലൈന് വിവാദത്തില് പ്രതികരിക്കാതെ സിപിഐഎം ജനറല് സെക്രട്ടറി സീതാറാം യെച്ചൂരി. കാര്യങ്ങള് വിശദീകരിക്കാന് മുഖ്യമന്ത്രി പ്രാപ്തനാണെന്ന് യച്ചൂരിയുടെ പ്രതികരണം. സില്വര് ലൈന് പദ്ധതിയില് സിപിഐഎം നിലപാട് ആവര്ത്തിച്ച് വ്യക്തമാക്കിയിട്ടുള്ളതാണ്. മൂന്ന് ദിവസത്തെ സിപിഐഎം കേന്ദ്ര കമ്മിറ്റി യോഗം ഹൈദരാബാദില് ആരംഭിച്ചു. കോണ്ഗ്രസുമായുള്ള ബന്ധം സിപിഐഎം രാഷ്ട്രീയ പ്രമേയത്തിലൂന്നിയെന്ന് സീതാറാം യെച്ചൂരി വ്യക്തമാക്കി. കരട് രാഷ്ട്രീയ പ്രമേയം കേന്ദ്ര കമ്മിറ്റി യോഗത്തില് ചര്ച്ച ചെയ്ത് അംഗീകരിക്കും. പാര്ട്ടി കോണ്ഗ്രസിന് രണ്ട് മാസം മുന്പ് റിപ്പോര്ട്ട് കീഴ്ഘടകങ്ങളില് ചര്ച്ചയ്ക്ക് അയക്കും. ദേശീയ തലത്തില് രൂപീകരിക്കുന്ന പ്രതിപക്ഷ സഖ്യം സംബന്ധിച്ച് പാര്ട്ടിയില് ചര്ച്ച ചെയ്യുമെന്നും യെച്ചൂരി ചൂണ്ടിക്കാട്ടി.
