കൊച്ചി ∙ വിദ്യാർഥികൾക്കിടയിൽ രാസലഹരി വിൽപന നടത്തിയിരുന്ന യുവാവ് പൊലീസ് പിടിയിൽ. ആലുവ കീഴ്മാട് മുടക്കാലിൽ ടിബിൻ (30) ആണ് എടത്തല പൊലീസിന്‍റെ പിടിയിലായത്. ഇയാളിൽ നിന്ന് 15.150 ഗ്രാം എംഡിഎംഎ കണ്ടെടുത്തു. കാറിൽ പ്രത്യേക അറയിൽ മൂന്നു കവറുകളിലാക്കി ഒളിപ്പിച്ച നിലയിലായിരുന്നു ഇവ.
ലഹരി മരുന്നു കച്ചവടം നടത്തുന്നതായി വിവരം ലഭിച്ചതിനെ തുടർന്നു ടിബിനെ പൊലീസ് നിരീക്ഷിച്ചു വരികയായിരുന്നു. യുവാക്കൾക്കും വിദ്യാർഥികൾക്കും പ്രത്യേകം ചെറിയ പായ്ക്കറ്റുകളിലാക്കിയാണ് ഇയാൾ രാസലഹരി വിൽപ്പന നടത്തിയിരുന്നത്.
