തിരുവനന്തപുരം : പുതുവത്സരവേളയിൽ വാസ്തുശില്പവിദ്യാർത്ഥികളുടെ കരകൗശലകലാരൂപങ്ങളുടെ പ്രദർശനവും. കേരള ആർട്സ് ആൻഡ് ക്രാഫ്റ്റ്സ് വില്ലേജിലാണ് തിരുവനന്തപുരം കോളേജ് ഓഫ് ആർക്കിടെക്ചറിലെ ഡിസൈൻ ഡിപ്പാർട്ട്മെൻ്റിലെ വിദ്യാർത്ഥികളുടെ സർഗ്ഗഭാവനയിൽ വിരിഞ്ഞ വൈവിദ്ധ്യമാർന്ന കൗതുകവസ്തുക്കളുടെ പ്രദർശനം. ഏകം എന്നാണു പ്രദർശനത്തിനു പേര്.
പുതുവർഷം പിറക്കുന്ന രാത്രിയിൽ നടക്കുന്ന മ്യൂസിക് ബാൻഡുകളുടെ സംഗീതനിശയ്ക്കും പുതുവത്സരദിനത്തിലെ വിവിധകലാവിഭവങ്ങൾക്കും ഒപ്പം രണ്ടുദിവസവും ഈ പ്രദർശനവും ഉണ്ടാകും. ഡിസംബർ 31-നും ജനുവരി 1-നും രാവിലെ 9 മുതൽ രാത്രി 9 വരെയാണു പ്രദർശനം.
