കൊല്ലം ∙ പാരിപ്പള്ളി പൊലീസിന്റെ കസ്റ്റഡിയില്‍ നിന്ന് പീഡനക്കേസ് പ്രതി രക്ഷപ്പെട്ടു. വൈദ്യപരിശോധനയ്ക്കായി എത്തിച്ചപ്പോഴാണ് കോട്ടൂര്‍കോണം സ്വദേശി വിഷ്ണു (പാക്കരൻ) രക്ഷപ്പെട്ടത്. ആശുപത്രിയില്‍ നിന്ന് വിലങ്ങുമായി രക്ഷപ്പെടുകയായിരുന്നു.
വൈകിട്ടാണ് സംഭവം. നെടുങ്കോലം സർക്കാർ ആശുപത്രിയിലേക്കാണ് വൈദ്യപരിശോധനയ്ക്കായി വിഷ്ണുവിനെ കൊണ്ടുവന്നത്. ഇവിടെ വച്ച് പ്രതി ശുചിമുറിയിലേക്ക് പോകണമെന്ന് പറഞ്ഞു. തുടർന്ന് ഇയാളെ ശുചിമുറിയിൽ എത്തിച്ചെങ്കിലും പൊലീസിനെ വെട്ടിച്ച് രക്ഷപ്പെടുകയായിരുന്നു. പ്രതിയെ കണ്ടെത്താൻ പാരിപ്പള്ളി പൊലീസിനൊപ്പം കൊല്ലം സിറ്റിയിലെ വിവിധ പൊലീസ് സ്റ്റേഷനുകളിലും നിർദേശം നൽകിയിട്ടുണ്ട്.
