ഒറ്റപ്പാലം : പ്രായപൂർത്തിയാകാത്ത പെൺകുട്ടിയുടെ അശ്ലീലദൃശ്യങ്ങൾ പ്രചരിപ്പിച്ച കേസിൽ യുവാവ് അറസ്റ്റിൽ. അകലൂർ പള്ളത്തൊടിയിൽ രതീഷ് (33) എന്ന പ്രഭുവിനെയാണ് ഒറ്റപ്പാലം പോലീസ് അറസ്റ്റ് ചെയ്തത്. മൊബൈൽഫോൺ വഴിയാണ് രതീഷ് ചിത്രങ്ങൾ പ്രചരിപ്പിച്ചത്. പെൺകുട്ടിയുടെ പരാതിയിൽ നടത്തിയ അന്വേഷണത്തെത്തുടർന്നാണ് രതീഷിനെ പോക്സോ വകുപ്പ് ചുമത്തി അറസ്റ്റ്ചെയ്തത്. കോടതി റിമാൻഡ് ചെയ്തു.
