ഉപ്പ് കൂടുതലുള്ള ഭക്ഷണക്രമം സമ്മർദ്ദത്തിന് കാരണമാകുമെന്ന് പഠനം. എലികളുമായുള്ള പരീക്ഷണങ്ങളിൽ, ഉയർന്ന ഉപ്പ് ഭക്ഷണക്രമം സ്ട്രെസ് ഹോർമോണുകളുടെ അളവ് 75% വർദ്ധിപ്പിക്കുന്നതിന് കാരണമായതായി ഗവേഷകർ കണ്ടെത്തി. സംസ്കരിച്ച ഭക്ഷണങ്ങളിൽ ഉപയോഗിക്കുന്ന ഉപ്പിന്റെ അളവ് കുറയ്ക്കുക എന്ന ലക്ഷ്യത്തോടെ ഉപ്പ് കഴിക്കുന്നതുമായി ബന്ധപ്പെട്ട പൊതുജനാരോഗ്യ നയങ്ങൾ അവലോകനം ചെയ്യാൻ ഈ കണ്ടെത്തലുകൾ സഹായിചചേക്കാം.
മുതിർന്നവർ പ്രതിദിനം 6 ഗ്രാമിൽ കൂടുതൽ ഉപ്പ് കഴിക്കരുതെന്ന് ശുപാർശ ചെയ്യുന്നു. എന്നാൽ മിക്ക ആളുകളും പതിവായി 9 ഗ്രാം ഉപ്പ് അമിതമായി കഴിക്കുന്നു. ഇത് ഉയർന്ന രക്തസമ്മർദ്ദത്തിനും വാസ്കുലർ ഡിമെൻഷ്യ എന്നിവയുടെ അപകടസാധ്യത വർദ്ധിപ്പിക്കുന്നു.
പഠനത്തിന്റെ ഭാഗമായി എഡിൻബർഗ് സർവകലാശാലയിലെ ഗവേഷകർ ഉപ്പ് കുറഞ്ഞ ഭക്ഷണമുള്ള എലികളെ ഉപയോഗിച്ചു. കൂടാതെ മനുഷ്യരുടെ സാധാരണ ഉപഭോഗം പ്രതിഫലിപ്പിക്കുന്നതിന് ഉയർന്ന ഉപ്പ് ഉള്ള ഭക്ഷണം നൽകി. സ്ട്രെസ് ഹോർമോണുകളുടെ അളവ് വർദ്ധിക്കുക മാത്രമല്ല, പാരിസ്ഥിതിക സമ്മർദ്ദത്തോടുള്ള എലികളുടെ ഹോർമോൺ പ്രതികരണം സാധാരണ ഭക്ഷണക്രമമുള്ള എലികളേക്കാൾ ഇരട്ടിയാണെന്നും ഗവേഷകർ കണ്ടെത്തി.
ഉപ്പ് കഴിക്കുന്നത് തലച്ചോറിലെ പ്രോട്ടീനുകൾ ഉത്പാദിപ്പിക്കുന്ന ജീനുകളുടെ പ്രവർത്തനം വർദ്ധിപ്പിക്കുകയും സമ്മർദ്ദത്തോട് ശരീരം എങ്ങനെ പ്രതികരിക്കുന്നുവെന്നത് നിയന്ത്രിക്കുകയും ചെയ്യുന്നു. ഉയർന്ന ഉപ്പ് കഴിക്കുന്നത് ഉത്കണ്ഠ, വിഷാദം തുടങ്ങിയ സ്വഭാവ മാറ്റങ്ങളിലേക്ക് നയിക്കുന്നുണ്ടോ എന്ന് മനസിലാക്കാൻ കൂടുതൽ പഠനങ്ങൾ നടക്കുന്നുണ്ടെന്ന് വിദഗ്ധർ പറയുന്നു.
‘ഉയർന്ന ഉപ്പ് അടങ്ങിയ ഭക്ഷണം നമ്മുടെ മാനസികാരോഗ്യത്തെ എങ്ങനെ മാറ്റുന്നുവെന്ന് മനസിലാക്കുന്നത് ക്ഷേമം മെച്ചപ്പെടുത്തുന്നതിനുള്ള ഒരു പ്രധാന ചുവടുവയ്പ്പാണ്. ഉപ്പ് അമിതമായി കഴിക്കുന്നത് നമ്മുടെ ഹൃദയത്തെയും രക്തധമനികളെയും വൃക്കകളെയും നശിപ്പിക്കും. നമ്മുടെ ഭക്ഷണത്തിലെ ഉയർന്ന ഉപ്പ് മസ്തിഷ്കം സമ്മർദ്ദം കൈകാര്യം ചെയ്യുന്ന രീതിയെയും മാറ്റുന്നുവെന്ന് കണ്ടെത്തി…’- എഡിൻബർഗ് സർവകലാശാലയിലെ കാർഡിയോവാസ്‌കുലാർ സയൻസ് സെന്ററിലെ റീനൽ ഫിസിയോളജി പ്രൊഫസർ മാത്യു ബെയ്‌ലി പറഞ്ഞു.
