കോഴിക്കോട് > ഒരിക്കൽ കൂടി കാത്തിരിക്കാൻ കോഴിക്കോട് തയ്യാറായിരുന്നില്ല. ആവേശകരമായ മത്സരത്തില് കഴിഞ്ഞ തവണ കൈവിട്ട കിരീടം സ്വന്തം മണ്ണില് തിരിച്ചുപിടിച്ചിരിക്കുകയാണ് കോഴിക്കോട്. ഒരു മത്സരത്തിന്റെ മാത്രം ഫലം അവശേഷിക്കെ 938 പോയിന്റുമായാണ് കോഴിക്കോട് കിരീടം ഉറപ്പിച്ചത്. അവസാന ദിവസം വരെ കോഴിക്കോടിനോട് ഇഞ്ചോടിച്ച് പോയിന്റിന് പൊരുതിയ കണ്ണൂര് 918 പോയിന്റുമായി രണ്ടാമതുണ്ട്. 916 പോയിന്റുമായി പാലക്കാടാണ് മൂന്നാം സ്ഥാനത്ത്.
ഏഴുവര്ഷത്തിനുശേഷമാണ് സംസ്ഥാന സ്കൂള് കലോത്സവം കോഴിക്കോട് എത്തുന്നത്. ജനുവരി മൂന്നുമുതല് ഏഴുവരെ 24 വേദികളിലായി നടന്ന മത്സരങ്ങളില് 14,000-ത്തോളം കുട്ടികള് പങ്കെടുത്തു. ഏഷ്യയിലെ ഏറ്റവും വലിയ കലാമേളയ്ക്ക് ഇത് എട്ടാം തവണയാണ് കോഴിക്കോട് വേദിയാകുന്നത്.
