ദില്ലി : ദില്ലിയിൽ ഇന്നും കനത്ത മൂടൽമഞ്ഞ് തുടരുകയാണ്. പലയിടത്തും കാഴ്ചാ പരിധി 25 മീറ്റർ വരെ ചുരുങ്ങി. ദില്ലിയിൽ ഇന്ന് രേഖപ്പെടുത്തിയ കുറഞ്ഞ താപനില 3.8 ഡിഗ്രി സെൽഷ്യസാണ്. പഞ്ചാബിലും, ഹരിയാനയിലും, ചണ്ഡീഗഡിലും കനത്ത മൂടൽ മഞ്ഞ് തുടരുകയാണ്. പഞ്ചാബിലെ ചിലയിടങ്ങളിൽ കാഴ്ചാ പരിധി പൂജ്യം ആണ് രേഖപ്പെടുത്തിയിരിക്കുന്നത്. ദില്ലി വിമാനത്താവളത്തിൽ ഇതുവരെ 118 വിമാനങ്ങൾ പുറപ്പെടാൻ വൈകി. 32 വിമാനങ്ങൾ ലാൻഡ് ചെയ്യാൻ വൈകി. മൂന്ന് വിമാനങ്ങൾ വഴിതിരിച്ചു വിട്ടു. ഷാർജയിൽ നിന്ന് ദില്ലിയിലേക്ക് വന്ന വിമാനം ജയ്പൂരിലെക്ക് വഴിതിരിച്ചു വിട്ടു. ഉത്തരേന്ത്യയിൽ 29 തീവണ്ടികൾ വൈകിയാണ് ഓടുന്നത്.
