ആലപ്പുഴ: മോഷണം തടയാൻ ശ്രമിച്ച പെൺകുട്ടിയെ ഭീഷണിപ്പെടുത്തി ദേഹോപദ്രവം ചെയ്ത കേസിലെ പ്രതിയെ പിടികൂടി. ആലപ്പുഴ മുനിസിപ്പൽ കരളകം വാർഡിൽ കളരിക്കൽ വീട്ടിൽ വിജേഷാണ് (26) അറസ്റ്റിലായത്. പെൺകുട്ടി മാത്രമാണ് ഈ സമയത്ത് വീട്ടിൽ ഉണ്ടായിരുന്നത്. മണ്ണഞ്ചേരി പൊലീസ് ഇൻസ്പെക്ടർ പി. കെ. മോഹിത്തിന്റെയും എസ്. ഐ ബിജുവിനയും ന്റെ നേതൃത്വത്തിലുള്ള സംഘമാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
