ലക്നൗ∙ ടേക്ക് ഓഫിനിടെ പക്ഷി ഇടിച്ചതിനെ തുടർന്ന് എയർ ഏഷ്യ വിമാനം എമർജൻസി ലാൻഡിങ് നടത്തി. ലക്നൗ– കൊൽക്കത്ത ഐ5-319 വിമാനമാണ് ലക്നൗ വിമാനത്താവളത്തിൽ അടിയന്തരമായി നിലത്തിറക്കിയത്. ഞായറാഴ്ച രാവിലെ കൊൽക്കത്തയിലേക്ക് പുറപ്പെടുന്നതിനായി ടേക്ക് ഓഫ് നടത്തുന്നതിനിടെയായിരുന്നു സംഭവം.
യാത്രക്കാരെ സുരക്ഷിതമായി പുറത്തിറക്കിയശേഷം വിശദപരിശോധനയ്ക്കായി വിമാനം ബേയിലേക്ക് മാറ്റിയെന്ന് എയർ ഏഷ്യ വക്താവ് അറിയിച്ചു. ആകെ 170 യാത്രക്കാരാണ് വിമാനത്തിലുണ്ടായിരുന്നത്.
