തിരുവനന്തപുരം: മുതലപ്പൊഴിയിൽ ചൂണ്ടയിടാനെത്തിയ യുവാവ് കടലിൽ വീണു മരിച്ചു. കഴക്കൂട്ടം സ്വദേശി മനീഷാണ് മരിച്ചത്. രാവിലെ പത്തുമണിക്കാണ് സംഭവം. യുവാവ് കടലിൽ വീണത് മത്സ്യത്തൊഴിലാളികൾ അറിയിച്ചതിനെ തുടർന്നെത്തിയ ഫിഷറീസ് റെസ്ക്യൂ ഗാർഡ് സംഘം ഇയാളെ ഉടനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പൊഴിമുഖത്ത് ഇറങ്ങുന്നതും ചൂണ്ടയിടുന്നതും അപകടമാണെന്ന മുന്നറിയിപ്പുകൾ നിലനിൽക്കെയാണ് അപകടം. ഇപ്പോഴും ഇത്തരത്തിൽ ചൂണ്ടയിട്ടുള്ള മീൻപിടുത്തം പതിവാണെന്ന് അധികൃതർ പറയുന്നു.
