കൊച്ചി : എസ്എഫ്ഐ-കെഎസ്യു പ്രവര്ത്തകര് തമ്മിലുണ്ടായ സംഘര്ഷത്തെ തുടര്ന്ന് മഹാരാജാസ് കോളജും ഹോസ്റ്റലുകളും രണ്ടാഴ്ചത്തേക്ക് അടച്ചു. ഇടുക്കി ഗവണ്മെന്റ് എന്ജിനീയറിങ് കോളജിലെ എസ്എഫ്ഐ പ്രവര്ത്തകന് ധീരജ് രാജേന്ദ്രന് കുത്തേറ്റു മരിച്ച സംഭവത്തില് പ്രതിഷേധിച്ചു ക്യംപസില് എസ്എഫ്ഐ പ്രവര്ത്തകര് പ്രകടനം ആസൂത്രണം ചെയ്യുന്നതിനിടെ വാക്കേറ്റവും തുടര്ന്ന് സംഘര്ഷവും ഉണ്ടാകുകയായിരുന്നു. സംഘര്ഷത്തില് 10 കെഎസ്യു പ്രവര്ത്തകര്ക്കും ഒരു എസ്എഫ്ഐ പ്രവര്ത്തകനും പരുക്കേറ്റു.
