മൂവാറ്റുപുഴ : പ്രായപൂർത്തിയാകാത്ത പെൺകുട്ടിയുടെയടുത്ത് നഗ്നത പ്രദർശിപ്പിക്കുകയും അശ്ലീലം പറയുകയും ചെയ്തയാളെ മൂവാറ്റുപുഴ പോലീസ് അറസ്റ്റ് ചെയ്തു. മൂവാറ്റുപുഴ മുളവൂർ പൊന്നിരിക്കപ്പറമ്പ് ഇസ്പേഡ് കവല കോട്ടമുറിയ്ക്കൽ ഷക്കീറാണ് (47) പിടിയിലായത്. പൊന്നിരിക്കപ്പറമ്പ് ഭാഗത്ത് കൽപ്പണിക്ക് വന്നതായിരുന്നു ഇയാൾ. സംഭവത്തിനുശേഷം ഫോൺ ഓഫ്ചെയ്ത് ഒളിവിൽപ്പോയി. വർഷങ്ങളായി ഭാര്യയും കുടുംബവുമായി അകന്നുകഴിയുന്ന ഇയാളെ ഇൻസ്പെക്ടർ സി.ജെ. മാർട്ടിൻ, എ.എസ്.ഐ. ജയകുമാർ പി.സി, സി.പി.ഒ. ബിബിൽ മോഹൻ എന്നിവരുടെ നേതൃത്വത്തിലുള്ള പോലീസ് സംഘമാണ് അറസ്റ്റ് ചെയ്തത്.
