മലപ്പുറം∙ കോട്ടയ്ക്കലിൽ കിണർ ഇടിഞ്ഞുണ്ടായ അപകടത്തിൽ കുടുങ്ങിയ ആൾ മരിച്ചു. കോട്ടയ്ക്കൽ സ്വദേശി അലി അക്ബർ ആണ് മരിച്ചത്. മൃതദേഹം പുറത്തെടുത്തു. അപകടത്തിൽപ്പെട്ട കോട്ടയ്ക്കൽ സ്വദേശി അഹമ്മദിനെ രക്ഷപ്പെടുത്തി. മൂന്നര മണിക്കൂർ നീണ്ട പരിശ്രമത്തിലൊടുവിലാണ് അഹമ്മദിനെ പുറത്തെടുത്തത്.
കോട്ടയ്ക്കൽ കുർബാനിയിലാണ് 50 അടിയോളം താഴ്ചയുള്ള കിണർ ഇടിഞ്ഞുവീണത്. അഹമ്മദിന്റെ ആരോഗ്യനില തൃപ്തികരമാണ്. മണ്ണിനടിയിൽ കുടുങ്ങിയതിനെതുടർന്ന് കാലിൽ പരുക്കേറ്റിട്ടുണ്ട്.
