തിരുവനന്തപുരം: കന്യാകുമാരിയിൽ സ്ത്രീയെ പോസ്റ്റിൽ കെട്ടിയിട്ട് മർദ്ദിച്ച സംഭവത്തിലെ പ്രതികൾ അറസ്റ്റിൽ. മൂന്നു ഓട്ടോ ഡ്രൈവർമാരാണ് അറസ്റ്റിലായത്. കന്യാകുമാരിയിൽ ഈ മാസം 8 നാണ് സ്ത്രീയെ കെട്ടിയിട്ട് ഓട്ടോ ഡ്രൈവർമാർ മർദ്ദിച്ചത്. മാർത്താണ്ഡം സ്വദേശിനിയായ സ്ത്രീയാണ് മർദ്ദനത്തിനിരയായത്. ഓട്ടോ ഡ്രൈവർമാർ അശ്ലീലം പറഞ്ഞപ്പോൾ സ്ത്രീ മുളക് പൊടി വിതറി. ഇതിൽ പ്രകോപിതരായാണ് സ്ത്രീയെ ഇവർ പോസ്റ്റിൽ കെട്ടിയിട്ട് മർദ്ദിച്ചത്.
