കോട്ടയം : സിപിഐഎം കോട്ടയം ജില്ലാ സമ്മേളനത്തിന് ഇന്ന് തുടക്കം. പിബി അംഗം എസ് രാമചന്ദ്രന്‍ പിള്ളയാണ് സമ്മേളനം ഉദ്ഘാടനം ചെയ്യുക. ജില്ലയിലെ കഴിഞ്ഞ തെരഞ്ഞെടുപ്പുകളില്‍ നേട്ടം ഉണ്ടാക്കാന്‍ സാധിച്ചെന്ന വിലയിരുത്തലാണ് സിപിഐഎം. എന്നിരുന്നാലും പാലാ കടുത്തുരുത്തി മണ്ഡലങ്ങളിലെ തോല്‍വി സംബന്ധിച്ച കമ്മീഷന്‍ റിപ്പോര്‍ട്ട് യോഗത്തില്‍ ചര്‍ച്ചയാകും. ഈരാറ്റുപേട്ട നഗരസഭയില്‍ എസ്ഡിപിഐ പിന്തുണയോടെ അവിശ്വാസപ്രമേയം കൊണ്ടുവന്ന് പാര്‍ട്ടിക്ക് അവമതിപ്പുണ്ടാക്കിയ പ്രാദേശിക നേതാക്കളെ തരം താഴ്ത്തിയതും സമ്മേളനം വിലയിരുത്തും. ജില്ലാ സെക്രട്ടറിയായി എ.വി റസ്സല്‍ തന്നെ തുടരുമെന്നാണ് സൂചന. ജില്ലാ കമ്മിറ്റിയില്‍ കൂടുതല്‍ പുതുമുഖങ്ങള്‍ ഉണ്ടാകുമെന്നും നേതൃത്വം വ്യക്തമാക്കിയിട്ടുണ്ട്.
