തിരുവനന്തപുരം; കേരള സംസ്ഥാന ലോട്ടറി വകുപ്പിന്റെ സമ്മര് ബമ്പര് 10 കോടി സിനിമ താരം രജനി ചാണ്ടിയുടെ സഹായിയായ അസം സ്വദേശിക്ക്. അസം സ്വദേശി ആല്ബര്ട്ട് ടിഗയ്ക്കാണ് സമ്മര് ബമ്പര് അടിച്ചിരക്കുന്നത്. SE 222282 എന്ന നമ്പരിലുള്ള ടിക്കറ്റിനാണ് പത്ത് കോടി രൂപ ഒന്നാം സമ്മാനം ലഭിച്ചത്. SB 152330 എന്ന നമ്പരിലുള്ള ടിക്കറ്റിനാണ് രണ്ടാം സമ്മാനം ലഭിച്ചിരിക്കുന്നത്. ആല്ബര്ട്ട് ടിഗ സിനിമ താരം രാജിനി ചാണ്ടിയുടെ വീട്ടിലെ സഹായിയാണ്.
ആല്ബര്ട്ട് ടിഗ കൊച്ചിയിലെ ബാങ്കില് ടിക്കറ്റ് നല്കി നടപടിക്രമങ്ങള് പൂര്ത്തിയാക്കി. 1995 മുതല് രാജിനി ചാണ്ടിയുടെ വീട്ടിലെ സഹായിയാണ് ആല്ബര്ട്ട്. ഇന്നലെ ഉച്ചക്ക് രണ്ടു മണിയോടെ തിരുവനന്തപുരത്തെ ഗോര്ക്കി ഭവനില് ആയിരുന്നു നറുക്കെടുപ്പ്. 250 രൂപയായിരുന്നു ടിക്കറ്റ് വില. പത്ത് കോടി രൂപയാണ് ഒന്നാം സമ്മാന ജേതാവിന് ലഭിക്കുന്നത്.
