തൃശൂര്: വാഴച്ചാലില് അരിക്കൊമ്പന് ദൗത്യത്തിന്റെ ട്രയല് റണ് തടഞ്ഞ് നാട്ടുകാര്. ലോറികള് തടഞ്ഞിട്ട് നാട്ടുകാര് പ്രതിഷേധിക്കുകയാണ്. വാഴച്ചാല് ചെക്ക് പോസ്റ്റിന് സമീപത്താണ് റോഡ് ഉപരോധം നടക്കുന്നത്. ആനയെ ഇടുക്കിയില് നിന്ന് കൊണ്ടുവരുന്നത് വാഴച്ചാല് വഴിയാണ്.
അരിക്കൊമ്പനെ പറമ്പിക്കുളത്തേക്ക് മാറ്റാനുള്ള നീക്കത്തിനെതിരെ പ്രതിഷേധം തുടരുകയാണ്. സര്വകക്ഷി യോഗ തീരുമാനപ്രകാരം മുതലമട പഞ്ചായത്തില് ഹര്ത്താല് പ്രഖ്യാപിച്ചിട്ടുണ്ട്. രാവിലെ ആറു മണി മുതല് വൈകീട്ട് ആറുവരെയാണ് പ്രതിഷേധം. കടകള് അടച്ചിടുമെങ്കിലും വാഹനങ്ങള്ക്ക് നിയന്ത്രണമില്ല. ഇതിനിടെ ഇടുക്കിയില് വീണ്ടും അരിക്കൊമ്പന്റെ ആക്രമണമുണ്ടായി. സൂര്യനെല്ലി ആദിവാസി കോളനിയിലാണ് ആക്രമണമുണ്ടായത്. കോളനിയിലെ ലീലയുടെ വീടിന്റെ അടുക്കളയും മുന്വശവും ആന ഇടിച്ചു തകര്ത്തു. സംഭവ സമയത്ത് വീട്ടിലുണ്ടായിരുന്ന ലീലയും മകളും കുഞ്ഞും ഓടി രക്ഷപ്പെടുകയായിരുന്നു.
