പത്തനംതിട്ട: ബിജെപി മനുഷ്യനെ മനുഷ്യനായി കാണാന്‍ തയാറാകാത്ത പാര്‍ട്ടി മാത്രമാണെന്നു ആര്‍എസ്പി നേതാവ് ഷിബു ബേബി ജോണ്‍. അവര്‍ക്കു മുന്‍പില്‍ ക്രിസ്ത്യാനിയും ഹിന്ദുവും മുസ്ലിമും മാത്രമാണുള്ളതെന്നു അദ്ദേഹം പറഞ്ഞു. ആര്‍എസ്പി ജില്ലാ നേതൃയോഗം ഉദ്ഘാടനം ചെയ്യുവെയായിരുന്നു ഷിബു ബേബി ജോണിന്റെ പരാമര്‍ശം. കേരള രാഷ്ട്രീയത്തിന്റെ ചണ്ടി ഡിപ്പോയാണു ബിജെപി. മാലിന്യങ്ങള്‍ പലതരത്തിലുണ്ട്. ഇലക്ട്രോണിക് വേസ്റ്റാണു അനില്‍ ആന്റണി. പ്രകൃതിയില്‍ ലയിക്കാത്ത നോണ്‍ ഡീഗ്രേഡബിള്‍ വേസ്റ്റാണ് ജോണി നെല്ലൂര്‍. കേസുള്ളവര്‍ ബിജെപിയില്‍ ചേര്‍ന്നാല്‍ വെള്ളപ്പൂശി കൊടുക്കപ്പെടുമെന്നും അദ്ദേഹം പറഞ്ഞു.
