തിരുവനന്തപുരം: മുരുക്കുംപുഴയില്‍ എംഡിഎംഎയുമായി ഓട്ടോ ഡ്രൈവര്‍ പിടിയില്‍. മുടപുരം സ്വദേശി മുബാറക് എന്ന് വിളിപ്പേരുള്ള നൗഷാദ്(50) ആണ് എക്‌സൈസിന്റെ പിടിയിലായത്.ആക്രിക്കച്ചവടത്തിന്റെ മറവിലാണ് ഇയാള്‍ എംഡിഎംഎ വില്‍പ്പന നടത്തിയിരുന്നത്. മുരുക്കുംപുഴ കോഴിമട ഭാഗത്ത് പോലീസ് നടത്തിയ വാഹന പരിശോധനയിലാണ് ഇയാള്‍ പിടിയിലായത്.
ഇയാളില്‍ നിന്ന് 8.45 ഗ്രാം എംഡിഎംഎ കണ്ടെടുത്തു. ആക്രി വ്യാപാരത്തിന്റെ മറവില്‍ ഇയാള്‍ വ്യാപകമായി ചെറുപ്പക്കാര്‍ക്ക് മയക്കുമരുന്ന് വില്പന നടത്തിവരികയായിരുന്നു. എക്‌സൈസിന്റെ രഹസ്യാന്വേഷണ വിഭാഗവും പോലീസും ഏറെ നാളായി ഇയാളെ നിരീക്ഷിച്ചു വരികയായിരുന്നു. എംഡിഎംഎ വില്‍പ്പന നടത്തി കിട്ടിയ 21000 രൂപയും മയക്കുമരുന്ന് കടത്താന്‍ ഉപയോഗിച്ച ഓട്ടോറിക്ഷയും പിടിച്ചെടുത്തു.
