ചെന്നൈ: ഇന്ത്യന് പ്രീമിയര് ലീഗ് പതിനാറാം സീസണില് ചെന്നൈ സൂപ്പര് കിംഗ്സ്-കൊല്ക്കത്ത നൈറ്റ് റൈഡേഴ്സ് മത്സരത്തില് ടോസ് നേടിയ സിഎസ്കെ നായകന് എം എസ് ധോണി ബാറ്റിംഗ് തെരഞ്ഞെടുത്തു. കഴിഞ്ഞ മത്സരത്തില് നിന്ന് മാറ്റമില്ലാതെയാണ് ചെന്നൈ സൂപ്പര് കിംഗ്സ് ഇറങ്ങുന്നത്. കൊല്ക്കത്തയില് അനുകുല് റോയിക്ക് പകരം വൈഭക് അറോറ ഇലവനിലേക്ക് തിരിച്ചെത്തി. രണ്ട് മത്സരങ്ങള് അവശേഷിക്കുമ്പോള് 12 കളിയില് 15 പോയിന്റുമായി പട്ടികയില് രണ്ടാംസ്ഥാനത്താണ് സിഎസ്കെ.
ഇനിയുള്ള രണ്ട് മത്സരവും ജയിച്ചാല് പട്ടികയില് മുന്നിലുള്ള ആദ്യ രണ്ട് ടീമുകളിലൊന്നായി ചെന്നൈ സൂപ്പര് കിംഗ്സ് പ്ലേ ഓഫിലെത്തും. ഒരു മത്സരം ജയിച്ചാലും പ്ലേ ഓഫ് ഉറപ്പ്. അതേസമയം കൊല്ക്കത്തയ്ക്കും ഡല്ഹിക്കും എതിരായ രണ്ട് മത്സരങ്ങളും തോറ്റാല് റോയല് ചലഞ്ചേഴ്സ് ബാംഗ്ലൂര്, രാജസ്ഥാന് റോയല്സ്, പഞ്ചാബ് കിംഗ്സ് ടീമുകളുടെ ഫലത്തെ ആശ്രയിച്ചിരിക്കും ചെന്നൈയുടെ ഭാവി.
