തൃശ്ശൂർ∙ തൃശ്ശൂരിൽ കാട്ടുപന്നി സ്കൂട്ടറിലിടിച്ച് സഹോദരങ്ങൾക്ക് പരുക്ക്. ചേലക്കരയിൽ ഇന്ന് രാവിലെയായിരുന്നു സംഭവം. സഹോദരങ്ങളായ പാഞ്ഞാൾ വീട്ടിൽ രാധ, രാകേഷ് എന്നിവർക്കാണ് പരുക്കേറ്റത്. ഇരുവരും രാവിലെ ജോലിക്ക് പോകുമ്പാൾ കാട്ടുപന്നി സ്കൂട്ടറിൽ ഇടിക്കുകയായിരുന്നു. ഇതിനിടെ മലപ്പുറത്ത് യുവാവിനെ കരടി ആക്രമിച്ചു. നിലമ്പൂരിൽ കാട്ടിൽ തേനെടുക്കാൻ പോയ തരിപ്പപ്പൊട്ടി കോളനിയിലെ വെളുത്തയെയാണ് കരടി ആക്രമിച്ചത്. കാലിനു പരുക്കേറ്റ ഇയാൾ ആശുപത്രിയിൽ ചികിത്സയിലാണ്.
