കൊല്ലം: ചടയമംഗലം ഇടക്കുപാറയില്‍ കാട്ടുപോത്തിന്റെ സാന്നിധ്യമെന്ന് സംശയം. പ്രദേശത്ത് വനം വകുപ്പ് ഉദ്യോഗസ്ഥര്‍ പരിശോധന നടത്തുന്നു. അഞ്ചല്‍ ആര്‍ആര്‍ടി, അഞ്ചല്‍ ഫോറസ്റ്റ് റെയിഞ്ച് എന്നിവരുടെ നേതൃത്വത്തിലാണ് പരിശോധന. ഇന്ന് രാവിലെയാണ് ചടയമംഗലത്ത് കാട്ടുപോത്തിന്റെ സാന്നിധ്യമുണ്ടെന്ന് നാട്ടുകാര്‍ വനംവകുപ്പിനെ അറിയിച്ചത്. കാട്ടുപോത്തിന്റെ കാല്‍പാടുകള്‍ കണ്ടെത്തിയതാണ് ഇത്തരത്തിലൊരു സംശയത്തിന് കാരണമായത്.
അതേസമയം ഇന്നലെ അഞ്ചലില്‍ ഇടമുളക്കല്‍ സ്വദേശി സാമുവല്‍ വര്‍ഗീസ് (65) കാട്ടുപോത്തിന്റെ ആക്രമണത്തില്‍ മരിച്ചിരുന്നു. പ്രവാസിയായ സാമുവല്‍ വര്‍ഗീസ് കഴിഞ്ഞ ദിവസമാണ് നാട്ടിലെത്തിയത്. രാവിലെ വീടിനോട് ചേര്‍ന്ന തോട്ടത്തില്‍ നില്‍ക്കുമ്പോള്‍ സാമുവലിനെ കാട്ടുപോത്ത് പിന്നില്‍നിന്ന ്ആക്രമിക്കുകയായിരുന്നു. ഉടന്‍ തന്നെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
