കന്യാകുമാരി: മലയാളി മോഷ്ടാവ് കന്യാകുമാരിയില് പിടിയില്. കേരളത്തിലും തമിഴ്നാട്ടിലുമായി നിരവധി മോഷണ കേസിലെ പ്രതിയായ കൂട്ടമല, വടക്കെ കല്ലുവിള സ്വദേശി ജോണി കുട്ടിയുടെ മകന് ജിബിന് ജോണി (30) ആണ് പിടിയിലായത്. ജില്ലാ പോലീസ് മേധാവി ഹരി കിരണ് പ്രസാദിന്റെ നേതൃത്വത്തിലുള്ള എസ്ഐ അരുളപ്പന്റെ പ്രത്യേക സംഘമാണ് ഇയാളെ പിടികൂടിയത്. കഴിഞ്ഞ 17 ന് ഉച്ചയ്ക്ക് കോഴിവിളയില് റോഡിലൂടെ പോയ ആശുപത്രി ജീവനക്കാരിയുടെ 5 പവന്റെ മാല കവര്ന്ന സംഭവത്തിലാണ് പ്രതിയെ പിടികൂടിയത്.
പ്രതിയില്നിന്ന് പതിമൂന്നര പവനും, ഒരു സ്കൂട്ടിയും പോലീസ് പിടിച്ചെടുത്തു. ഇയാള് കഴിഞ്ഞ 6 ന് കൊച്ചിയില് നിന്ന് സ്കൂട്ടി മോഷ്ടിച്ച ശേഷം ,7 ന് നെയ്യാറ്റിന്കര നിന്ന് സ്ത്രീയുടെ മൂന്നര പവന്റെ സ്വര്ണവും,11 ന് കളിയിക്കാവിളക്കടുത്ത് കുളപുറത്തില് നിന്ന് 5 പവനും തുടര്ന്ന് 17നും കവര്ച്ച നടത്തിയതായി അന്വേഷണസംഘം കണ്ടെത്തി. രണ്ട് വര്ഷത്തിന് മുന്പ് കേരളത്തില് മാത്രം പ്രതിക്കെതിരെ 7 കേസുകള് ഉള്ളതായും പോലീസ് പറഞ്ഞു.
