കോഴിക്കോട്∙ എലത്തൂർ പുതിയാപ്പയിലെ ബന്ധുവീട്ടിൽ വിരുന്നുവന്ന വിദ്യാർഥി അമ്പലക്കുളത്തിൽ മുങ്ങി മരിച്ചു. കാമ്പുറം ബീച്ചിലെ സച്ചിദാനന്ദന്റെ മകൻ ശ്രീരാഗ് (17) ആണ് മുങ്ങി മരിച്ചത്.ഇന്ന് രാവിലെ 9.30 ഓടെ മറ്റു രണ്ട് കുട്ടികളോടൊപ്പം പുത്തൂരിലെ അമ്പലക്കുളത്തിൽ കുളിക്കാൻ ഇറങ്ങിയതായിരുന്നു. ശ്രീരാഗ് വെള്ളത്തിൽ മുങ്ങുന്നതു കണ്ട് കൂടെയുണ്ടായിരുന്ന കുട്ടികളാണ് നാട്ടുകാരെ വിളിച്ച് രക്ഷാപ്രവർത്തനം നടത്തിയത്.സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഉച്ചയ്ക്ക് രണ്ടുമണിയോടെ മരിച്ചു.
