കൊച്ചി : നെടുമ്പാശേരിയിൽ ഒരു കിലോഗ്രാമിലേറെ സ്വർണവുമായി രണ്ട് പേർ പിടിയിൽ. രണ്ട് ശ്രീലങ്കൻ യാത്രികർ ആണ് പിടിയിലായത്. ഇവരിൽ നിന്ന് ഒരു കിലോ ഇരുനൂറ് ഗ്രാം സ്വർണം കണ്ടെടുത്തു. ക്യാപ്സ്യൂൾ രൂപത്തിലാക്കി ശരീരത്തിലൊളിപ്പിച്ചാണ് ഇവർ കൊളംബോയിൽ നിന്ന് സ്വർണം കൊണ്ടുവന്നത്. 60 ലക്ഷം രൂപ വിലവരുന്ന സ്വർണമാണ് പിടികൂടിയത്. ശ്രീലങ്കൻ ദമ്പതിമാരായ മുഹമ്മദ് സുബൈർ, മുഹമ്മദ് ജനുഫർ എന്നിവരാണ് സ്വർണം കൊണ്ടുവന്നത്.
