കൊച്ചി: കൊച്ചി നെടുമ്പാശേരി വിമാനത്താവളത്തില്‍ ഒരു കിലോ ലഹരിമരുന്നുമായി വിദേശവനിത പിടിയിലായി. ഷാര്‍ജയില്‍ നിന്ന് കൊച്ചി വിമാനത്താവളത്തിലെത്തിയ ആഫ്രിക്കന്‍ വനിതയില്‍ നിന്നാണ് മയക്കുമരുന്ന് പിടികൂടിയത്. ഹെറോയിനാണ് പിടികൂടിയത്. ഡി ആര്‍ ഐയ്ക്ക് (ഡയറക്ടറേറ്റ് ഒഫ് റവന്യൂ ഇന്റലിജന്‍സ്) ലഭിച്ച രഹസ്യവിവരത്തെത്തുടര്‍ന്ന് നടത്തിയ പരിശോധനയിലാണ് ഒരു കിലോ ഹെറോയിന്‍ പിടികൂടിയത്.
തിങ്കളാഴ്ച പുലര്‍ച്ചെ 3.10ന് ഷാര്‍ജയില്‍ നിന്ന് എത്തിയ എയര്‍ ഇന്ത്യ വിമാനത്തിലെ യാത്രക്കാരിയില്‍നിന്നാണ് ലഹരിമരുന്ന് പിടികൂടിയത്. ഇവര്‍ കെനിയയില്‍ നിന്ന് ഷാര്‍ജ വഴി കൊച്ചിയിലെത്തിയതെന്നാണ് വിവരം. സംഭവവുമായി ബന്ധപ്പെട്ട മറ്റ് വിവരങ്ങള്‍ ഡി ആര്‍ ഐ പുറത്തുവിട്ടിട്ടില്ല.
