പ്രതിരോധ ശേഷിയുടെ പ്രാധാന്യത്തെ കുറിച്ച് ഇപ്പോള് പലര്ക്കും അറിയാം. ആരോഗ്യകരമായ ഭക്ഷണക്രമം മികച്ച പ്രതിരോധശേഷിക്ക് അത്യാവശ്യമാണ്. അതിനാല് വിറ്റാമിനുകളും മറ്റും അടങ്ങിയ ഭക്ഷണങ്ങള് പതിവായി കഴിക്കേണ്ടത് പ്രധാനമാണ്.
രോഗ പ്രതിരോധശേഷി കൂട്ടാന് വേണ്ടി ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം..
ഒന്ന്…
ഫാറ്റി ഫിഷ് ആണ് ആദ്യമായി ഈ പട്ടികയില് ഉള്പ്പെടുന്നത്. ഒമേഗ 3 ധാരാളം അടങ്ങിയ സാൽമൺ, ട്യൂണ തുടങ്ങിയ ഫാറ്റി ഫിഷുകള് ഡയറ്റില് ഉള്പ്പെടുത്തുന്നത് രോഗപ്രതിരോധശേഷി വര്ധിപ്പിക്കാന് സഹായിക്കും.
രണ്ട്…
നാരങ്ങ, ഓറഞ്ച്, മുന്തിരി തുടങ്ങിയ സിട്രസ് പഴങ്ങളാണ് രണ്ടാമതായി ഈ പട്ടികയില് ഉള്പ്പെടുന്നത്. ഇവയിൽ ആന്റിഓക്സിഡന്റുകളും വിറ്റാമിൻ സിയും അടങ്ങിയിട്ടുണ്ട്. ഇത് പ്രതിരോധശേഷി വര്ധിപ്പിക്കാന് സഹായിക്കുന്നു.
മൂന്ന്…
വെളുത്തുള്ളി ആണ് അടുത്തതായി ഈ പട്ടികയില് ഉള്പ്പെടുന്നത്. ഇന്ത്യൻ ഭക്ഷണക്രമത്തിൽ വെളുത്തുള്ളി വളരെ പ്രധാനപ്പെട്ട പങ്ക് വഹിക്കുന്ന ഒന്നാണ്. സുഗന്ധവ്യഞ്ജനങ്ങൾ രുചി കൂട്ടുക മാത്രമല്ല, ആരോഗ്യത്തിനും നല്ലതാണ്. വെളുത്തുള്ളി ഡയറ്റില് ഉള്പ്പെടുത്തുന്നത് പ്രതിരോധശേഷി വര്ധിപ്പിക്കുകയും, പ്രത്യേകിച്ച് ജലദോഷം, പനി എന്നിവയ്ക്കെതിരെ പോരാടാൻ സഹായിക്കുകയും ചെയ്യുന്നു.
നാല്…
ഇഞ്ചിയാണ് നാലാമതായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകള് ധാരാളം അടങ്ങിയ ഇവ രോഗപ്രതിരോധശേഷി വര്ധിപ്പിക്കാന് സഹായിക്കും. വിറ്റാമിന് സി, പൊട്ടാസ്യം, മഗ്നീഷ്യം തുടങ്ങിയവയും ഇഞ്ചിയില് അടങ്ങിയിട്ടുണ്ട്.
അഞ്ച്…
മഞ്ഞളാണ് അഞ്ചാമതായി ഈ പട്ടികയില് ഉള്പ്പെടുന്നത്. മഞ്ഞളിലെ കുർക്കുമിന് ആന്റി-ഇൻഫ്ലമേറ്ററി, ആന്റി ഓക്സിഡന്റ് ഗുണങ്ങള് ഉണ്ട്. ഇത് ഒരു ആന്റി വൈറൽ ഏജന്റ് കൂടിയാണ്. അതിനാല് മഞ്ഞൾ ഡയറ്റില് ഉള്പ്പെടുത്തുന്നത് രോഗപ്രതിരോധശേഷി വർധിപ്പിക്കാനും അണുബാധകളെ ചെറുക്കാനും സഹായിക്കും.
ആറ്…
ചീരയാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിനുകളുടെയും പോഷകങ്ങളുടെയും ഉയര്ന്ന ഉറവിടമായതിനാല് ചീര രോഗപ്രതിരോധ ശേഷി മെച്ചപ്പെടുത്തുന്നതില് പ്രധാന പങ്കുവഹിക്കുന്നു. ചീരയില് അടങ്ങിയിരിക്കുന്ന വിറ്റാമിന് സി, എ, ഇ, കെ, അമിനോ ആസിഡ്, ഇരുമ്പ്, മഗ്നീഷ്യം, ഫോസ്ഫറസ്, പൊട്ടാസ്യം, സിങ്ക് എന്നിവയാണ് രോഗപ്രതിരോധ ശേഷി വര്ധിപ്പിക്കുന്നതിന് സഹായിക്കുന്നത്.
ഏഴ്…
മുട്ടയാണ് ഏഴാമതായി ഈ പട്ടികയില് ഉള്പ്പെടുന്നത്. പോഷകങ്ങളുടെ കലവറയാണ് മുട്ട. വിറ്റാമിന് എ, ബി, സി, ഡി, ഇ എന്നിവ ഇതില് അടങ്ങിയിരിക്കുന്നു. ഒപ്പം കാത്സ്യം, സോഡിയം, പൊട്ടാസ്യം, മഗ്നീഷ്യം, ഇരുമ്പ്, സിങ്ക് എന്നിവയും മുട്ടയില് അടങ്ങിയിട്ടുണ്ട്. അതിനാല് മുട്ട പതിവായി ഡയറ്റില് ഉള്പ്പെടുത്തുന്നത് രോഗപ്രതിരോധശേഷി വര്ധിപ്പിക്കാന് സഹായിക്കും.
എട്ട്…
തൈര് ആണ് അടുത്തതായി ഈ പട്ടികയില് ഉള്പ്പെടുന്നത്. കാത്സ്യം ധാരാളം അടങ്ങിയതാണ് തൈര്. ഇവയില് അടങ്ങിയിരിക്കുന്ന ലാക്റ്റിക് ആസിഡ് രോഗപ്രതിരോധ സംവിധാനത്തിന്റെ സുഗമമായ പ്രവർത്തനത്തിന് സഹായിക്കുന്നു. വേനൽക്കാലത്ത് മോര് കുടിക്കുന്നതും ധാരാളം ഗുണങ്ങൾ നൽകുന്നു.
ഒമ്പത്…
പപ്പായ ആണ് ഒമ്പതാമതായി ഈ പട്ടികയില് ഉള്പ്പെടുന്നത്. പപ്പായയില് വിറ്റാമിനുകളും മറ്റും ധാരാളം അടങ്ങിയിട്ടുണ്ട്. വിറ്റാമിൻ എ, ബി, സി, കെ എന്നിവയുടെ മികച്ച ഉറവിടമാണ് പപ്പായ. അതിനാല് ഇവ കഴിക്കുന്നത് രോഗ പ്രതിരോധശേഷി വര്ധിപ്പിക്കാനും സഹായിക്കും.
പത്ത്…
ബെറി പഴങ്ങളാണ് അവസാനമായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകളാല് സമൃദ്ധമാണ് സ്ട്രോബെറി, ബ്ലൂബെറി തുടങ്ങിയ ബെറി പഴങ്ങള്. വിറ്റാമിന് സി, നാരുകള് എന്നിവ ധാരാളം അടങ്ങിയ ഈ ബെറി പഴങ്ങള് രോഗപ്രതിരോധശേഷി വര്ധിപ്പിക്കാനും ഹൃദയത്തിന്റെ ആരോഗ്യത്തിനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
