തിരുവനന്തപുരം: തിരുവനന്തപുരത്ത് പോലീസുകാരനെ മര്‍ദിച്ച മൂന്ന് പേര്‍ അറസ്റ്റില്‍. സിപിഎം ബ്രാഞ്ച് സെക്രട്ടറി സെല്‍വരാജ്, സെല്‍വരാജന്റെ സഹോദരന്‍ സുന്ദരന്‍, അഖില്‍ എന്നിവരാണ് അറസ്റ്റിലായത്. ടെലി കമ്മ്യൂണിക്കേഷന്‍ സിപിഒ ആര്‍ ബിജുവിനാണ് മര്‍ദ്ദനമേറ്റത്. ബേക്കറി ജംഗ്ഷനില്‍ ഇന്ന് രാവിലെ ഒന്‍പത് മണിയോടെയാണ് സംഭവം.
മദ്യപിച്ച് ബേക്കറി ജംഗ്ഷനിലെ ഒരു വീട്ടില്‍ കയറിയ ടെലികമ്മ്യൂണിക്കേഷനിലെ സിവില്‍ പോലീസ് ഓഫീസര്‍ ആര്‍ ബിജുവിനെയാണ് മര്‍ദ്ദിച്ചത്. ഇന്ന് രാവിലെ സിപിഎം ബ്രാഞ്ച് സെക്രട്ടറി സെല്‍വരാജിന്റെ വീട്ടിലാണ് ബിജു അതിക്രമിച്ചു കടന്നത്. പിന്നാലെ സെല്‍വരാജ്, സഹോദരന്‍ സുന്ദരന്‍, സുഹത്ത് അഖില്‍ എന്നിവര്‍ ചേര്‍ന്ന് ബിജുവിനെ മര്‍ദ്ദിക്കുകയായിരുന്നു. വീട്ടിനുള്ളില്‍ അതിക്രമിച്ചു കടന്നതിന് പോലീസുകാരന്‍ ബിജുവിനെതിരെയും കേസെടുത്തു.
