പെരിന്തല്മണ്ണ: പോക്സോ കേസില് ഓട്ടോറിക്ഷാ ഡ്രൈവര്ക്ക് പത്തൊമ്പത് വര്ഷം കഠിനതടവ്. പെരിന്തല്മണ്ണ ഫാസ്റ്റ് ട്രാക്ക് സ്പെഷ്യല് കോടതിയാണ് ശിക്ഷ വിധിച്ചത്. മലപ്പുറം വാണിയമ്പലം സ്വദേശി അബ്ദുള് വാഹിദിനെതിരെയാണ് നടപടി. പന്ത്രണ്ട് വയസ്സില് താഴെയുള്ള പെണ്കുട്ടിയെ 2018 മുതല് 2020 വരെയുള്ള കാലയളവില് ലൈംഗിക അതിക്രമത്തിന് ഇരയാക്കി എന്നാണ് കേസ്.
പ്രതി വാണിയമ്പലം വട്ടക്കുളം മനുറയില് വീട്ടില് അബ്ദുള് വാഹീദിനെതിരെ 19 വര്ഷം കഠിന തടവിനും 75,000 രൂപ പിഴ അടക്കാനും കോടതി ശിക്ഷ വിധിച്ചു. പിഴയടച്ചില്ലെങ്കില് ഒന്പത് മാസം കൂടെ കഠിനതടവ് അനുഭവിക്കണം. പെരിന്തല്മണ്ണ കോടതി ജഡ്ജി സൂരജ് ആണ് ശിക്ഷ വിധിച്ചത്.
