തിരുവനന്തപുരം: സിനിമ കിട്ടുന്നില്ല എന്ന കാരണം പറഞ്ഞാണ് സംവിധായകന് രാജസേനന് ബിജെപി വിട്ടതെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്. ബിജെപിയുമായി സഹകരണം അവസാനിപ്പിച്ച രാജസേനന് പാര്ട്ടിയിലേക്ക് തിരിച്ചെത്തുമെന്ന് പ്രതീക്ഷയെന്നും സുരേന്ദ്രന് പറഞ്ഞു. രാജസേനന് മികച്ച കലാകാരനാണ്. അദ്ദേഹം തിരികെ ബി ജെ പിയില് വരുമെന്നാണ് പ്രതീക്ഷയെന്നും, സിനിമ കിട്ടുന്നില്ല എന്ന കാരണം പറഞ്ഞാണ് അദ്ദേഹം ബിജെപിയില് നിന്നു പോയതെന്നും സുരേന്ദ്രന് പറഞ്ഞു.
അദ്ദേഹം പാര്ട്ടിക്കൊപ്പം ഉണ്ടായിരുന്ന കാലത്തെ സേവനങ്ങളെ വിലമതിക്കുന്നുണ്ടെന്നും സുരേന്ദ്രന് കോട്ടയത്ത് മാധ്യമങ്ങളോട് പറഞ്ഞു. സിനിമാരംഗത്തുനിന്നുള്ള ബിജെപിയുടെ പ്രധാന മുഖമായിരുന്നു സംവിധായകന് രാജസേനന്. പല വിവാദ വിഷയങ്ങളിലും ബിജെപിക്കും കേന്ദ്ര സര്ക്കാറിനും അനുകൂലമായി നിലപാട് സ്വീകരിച്ച് പരസ്യമായി രംഗത്തെത്തിയിരുന്നു. രാജസേനന്. ബിജെപിക്ക് വേണ്ടി തെരഞ്ഞെടുപ്പില് മത്സരിച്ചു.
