തിരുവനന്തപുരം: യുവതികളെ സിനിമാ മേഖലയില്‍ ജോലി വാഗ്ദാനം ചെയ്ത് പീഡിപ്പിച്ച് ലക്ഷങ്ങള്‍ തട്ടിയ കേസിലെ പ്രതി പിടിയില്‍. തിരുവനന്തപുരം സ്വദേശി സുരേഷ് കുമാര്‍ (49) ആണ് കട്ടപ്പന പോലീസിന്റെ പിടിയിലായത്. കട്ടപ്പന കോഴിമല സ്വദേശിയായ യുവതിയെ സിനിമയില്‍ ജോലി വാങ്ങിക്കൊടുക്കാമെന്നും വീട് വയ്ക്കാന്‍ സഹായം വാഗ്ദാനം ചെയ്തും 25 ലക്ഷത്തോളം രൂപ തട്ടിയെടുത്ത കേസിലാണ് അറസ്റ്റ്.
സുരേഷ് കുമാര്‍ ഇതിനുമുന്‍പും തിരുവനന്തപുരം പാറശ്ശാല, പോത്തന്‍കോട്, തൃശ്ശൂര്‍ ഈസ്റ്റ് എറണാകുളം ചേരാനല്ലൂര്‍ എന്നീ ഭാഗങ്ങളില്‍ നിരവധി യുവതികളെ സിനിമാ മേഖലയില്‍ ജോലി വാഗ്ദാനം ചെയ്തു പീഡിപ്പിക്കുകയും വന്‍തുക തട്ടിയെടുക്കുകയും ചെയ്തതിന് കേസുകള്‍ നിലവിലുണ്ട്.
