ന്യൂഡല്‍ഹി : ഇന്ത്യന്‍ യുവാവിനെ ചൈനീസ് പട്ടാളം തട്ടിക്കൊണ്ടു പോയതായി റിപ്പോര്‍ട്ട്. അരുണാചല്‍ പ്രദേശിലെ സിയാങ് ജില്ലയിലെ അതിര്‍ത്തി ഗ്രാമം കടന്നെത്തിയ ചൈനീസ് സേനയാണ് മിരം താരോണ്‍ (17) എന്ന യുവാവിനെ തട്ടിക്കൊണ്ടു പോയതെന്ന് അരുണാചലില്‍ നിന്നുള്ള എംപി താപിര്‍ ഗുവ അറിയിച്ചു. മറ്റൊരു യുവാവിനെയും തട്ടിക്കൊണ്ടു പോയെങ്കിലും അയാള്‍ രക്ഷപ്പെട്ടെത്തി അധികൃതരെ വിവരം അറിയിക്കുകയായിരുന്നെന്നനും ഗുവ പറഞ്ഞു. മിരം താരോണ്‍, ജോണി യാങ് എന്നിവരെയാണ് തട്ടിക്കൊണ്ടുപോയത്. ഇതില്‍ ജോണി തിരികെ എത്തിയെന്നും ഇയാളാണ് വിവരങ്ങള്‍ അധികൃതരെ അറിയിച്ചതെന്നും താപിര്‍ ഗുവ വാര്‍ത്താ ഏജന്‍സിയോട് പറഞ്ഞു.
1/2
Chinese #PLA has abducted Sh Miram Taron, 17 years of Zido vill. yesterday 18th Jan 2022 from inside Indian territory, Lungta Jor area (China built 3-4 kms road inside India in 2018) under Siyungla area (Bishing village) of Upper Siang dist, Arunachal Pradesh. pic.twitter.com/ecKzGfgjB7— Tapir Gao (@TapirGao) January 19, 2022
സംഭവത്തെ കുറിച്ച് കേന്ദ്ര സഹമന്ത്രി നിസിത് പ്രമാണിക്കിനെ അറിയിച്ചിട്ടുണ്ടെന്നും താരോണെ രക്ഷിക്കാന്‍ കേന്ദ്രം ആവശ്യമായ നടപടികള്‍ എത്രയും വേഗം സ്വീകരിക്കണമെന്നും താപിര്‍ ആവശ്യപ്പെട്ടു. പ്രധാമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്‌നാഥ് സിങ്, ഇന്ത്യന്‍ ആര്‍മി എന്നിവരെയും ട്വീറ്റില്‍ ടാഗ് ചെയ്തിട്ടുണ്ട്.
