തളിപ്പറമ്പ്∙ വീട്ടിൽ തനിച്ച് താമസിക്കുന്ന 66 കാരിയായ വയോധികയെ പീഡിപ്പിച്ച കേസിൽ പ്രതിക്ക് 19 വർഷം കഠിന തടവും 1.75 ലക്ഷം രൂപ പിഴ ശിക്ഷയും വിധിച്ചു. ശ്രീകണ്ഠാപുരം പയ്യാവൂർ പൊന്നും പറമ്പ് അത്തിലാട്ട് എ.കെ. ദിലീപി (39) നെയാണ് ശിക്ഷ വിധിച്ച് സ്ത്രീകൾക്കും കുട്ടികൾക്കും എതിരെയുള്ള അക്രമങ്ങൾ കൈകാര്യം ചെയ്യുന്ന തളിപ്പറമ്പ് പോക്സോ അതിവേഗ കോടതി ജഡ്ജി ആർ. രാജേഷ് ഉത്തരവിട്ടത്.
2017 ഏപ്രിൽ 6 ന് രാത്രി 12 ന് ദിലീപ് വയോധികയുടെ വീട്ടിൽ അതിക്രമിച്ച് കയറി പീഡിപ്പിക്കുകയായിരുന്നു. 2 ദിവസം കഴിഞ്ഞാണ് പ്രതിയെ തിരിച്ചറിഞ്ഞത്. മതിയായ തെളിവുകൾ ഇല്ലാതിരുന്നിട്ടും പ്രൊസിക്യൂഷൻ ഹാജരാക്കിയ മെഡിക്കൽ റിപ്പോർട്ടുകൾ ഉൾപ്പെടെ പരിഗണിച്ചാണ് വിധി പറഞ്ഞത്. ശിക്ഷ വെവ്വേറെ അനുഭവിക്കണമെന്നതിനാൽ 19 വർഷവും ശിക്ഷ അനുഭവിക്കണം.
