കൊച്ചി: ഭൂമിയിടപാട് കേസില് കര്ദിനാള് ജോര്ജ് ആലഞ്ചേരി അടക്കമുളളവരെ എന്ഫോഴ്സ്മെന്റ് ഡിറക്ട്രേറ്റ് ചോദ്യം ചെയ്യും. സിറോ മലബാര് സഭാ എറണാകുളം അങ്കമാലി അതിരൂപതയിലെ ഭൂമിയിടപാട് കേസിലാണ് ചോദ്യം ചെയ്യല്. കളളപ്പണ ഇടപാടാണ് കേന്ദ്ര ഏജന്സി പരിശോധിക്കുന്നത്. ഇടപാടിന്റെ രേഖകള് നേരത്തെ തന്നെ അന്വേഷണസംഘം അതിരൂപതയോട് ആവശ്യപ്പെട്ടിരുന്നു. കര്ദിനാള് മാര് ജോര്ജ് ആലഞ്ചേരിക്ക് പുറമേ നിലവിലെ അപ്പൊസ്തോലിക് അഡ്മിനിസ്ട്രേറ്റര് ആര്ച്ച് ബിഷപ് ആന്ഡ്രൂസ് താഴത്ത്, അതിരൂപതയുടെ ചുമതലയുളള ഒരു വൈദികന്, ചാര്ട്ടേഡ് അക്കൗണ്ടന്റ് എന്നിവരില് നിന്നും വിവരങ്ങള് തേടും.
അതിരൂപതയുടെ 1.60 ഏക്കര് ഭൂമി വിവിധ ആളുകള്ക്ക് വില്പ്പന നടത്തിയതില് ക്രമക്കേടുണ്ടെന്ന ആരോപണത്തിന്മേല് കേസെടുത്ത് അന്വേഷണം നടക്കുകയാണ്. കര്ദ്ദിനാള് അടക്കം മൂന്ന് പേരെ പ്രതിയാക്കി ആറ് കേസുകളാണ് രജിസ്റ്റര് ചെയ്തത്. ഗൂഢാലോചന, വിശ്വാസവഞ്ചന അടക്കമുള്ള വകുപ്പുകള് ചുമത്തിയാണ് കേസുകള്. കര്ദ്ദിനാളിന് പുറമെ സിറോ മലബാര് സഭയുടെ മുന് പ്രോക്യൂറേറ്റര് ജോഷി പുതുവ, ഭൂമി വില്പ്പനയുടെ ഇടനിലക്കാരന് സാജു വര്ഗീസ് കുന്നേല് എന്നിവരാണ് കേസിലെ കൂട്ട് പ്രതികള്. അതേ സമയം, സീറോ മലബാര് സഭ ആര്ച്ച് ബിഷപ്പ് കര്ദിനാള് മാര് ജോര്ജ് ആലഞ്ചേരിക്കെതിരെ ക്രിമിനല് കോടതിയലക്ഷ്യ നടപടിക്ക് അനുമതി തേടി കഴിഞ്ഞ ദിവസം അഡ്വക്കറ്റ് ജനറലിന് അപേക്ഷ ലഭിച്ചു. എറണാകുളം കലൂര് സ്വദേശി കെ. ഒ ജോണിയാണ് അപേക്ഷ നല്കിയത്.
