ഡെറാഢൂണ്‍: കേദാര്‍നാഥിലേക്കുള്ള യാത്രമധ്യേ കോവര്‍ കഴുതയെ ബലമായി കഞ്ചാവ് വലിപ്പിക്കുന്ന വീഡിയോ സോഷ്യല്‍ മീഡിയയില്‍ വൈറലായതോടെ യുവാവിനെ അറസ്റ്റ് ചെയ്ത് പൊലീസ്. സംഭവത്തിനെതിരെ സോഷ്യല്‍ മീഡിയല്‍ വലിയ പ്രതിഷേധം ഉയര്‍ന്നിരുന്നു. ക്രൂരത കാട്ടിയവര്‍ക്കെതിരെ കര്‍ശന നടപടി സ്വീകരിക്കണമെന്നായിരുന്നു പലരുടെയും ആവശ്യം. കേദാര്‍നാഥിലേക്കുള്ള യാത്രയ്ക്കിടെ ചോട്ടി ലിഞ്ചോളിക്ക് സമീപത്തുവച്ചാണ് യുവാക്കള്‍ കോവര്‍ കഴുതയെ കഞ്ചാവ് വലിപ്പിച്ചതെന്ന് സോനപ്രയാഗ് പോലീസ് പറഞ്ഞു. ഇതുമായി ബന്ധപ്പെട്ട് കോവര്‍ കഴുതയുടെ ഉടമയായ രാകേഷ് സിങ് റാവത്തിനെ അറസ്റ്റ് ചെയ്തതായി പോലീസ് പറഞ്ഞു.
