കോട്ടയം: കോട്ടയം പൂഞ്ഞാര്‍ തീക്കോയി മംഗളഗിരി മാര്‍മല അരുവിയില്‍ കുടുങ്ങിക്കിടന്ന അഞ്ച് വിനോദ സഞ്ചാരികളെ രക്ഷപ്പെടുത്തി. ശക്തമായ മലവെള്ളപ്പാച്ചിലിനെ തുടര്‍ന്ന് പാറക്കെട്ടില്‍ നിലയുറപ്പിച്ചവരാണ് കുടുങ്ങിയത്. ഫയര്‍ ഫോഴ്സും സന്നദ്ധ പ്രവര്‍ത്തകരും ചേര്‍ന്ന് നടത്തിയ രക്ഷാപ്രവര്‍ത്തനത്തിലാണ് അഞ്ച് പേരെയും രക്ഷിച്ചത്. ആദ്യം രണ്ട് പേരെ രക്ഷിച്ചു. തുടര്‍ന്ന് അവശേഷിച്ച മൂന്നു പേരെയും പാറക്കെട്ടില്‍ നിന്ന് രക്ഷപ്പെടുത്തി. കനത്ത മഴയെ തുടര്‍ന്ന് പെട്ടന്നുണ്ടായ മലവെള്ളപാച്ചില്‍ കാരണം അഞ്ചുപേരും പാറയുടെ മുകളില്‍ നിലയുറപ്പിച്ചിരിക്കുന്നു. കഴിഞ്ഞ ദിവസം ഇവിടെ സന്ദര്‍ശനത്തിനെത്തിയ ഒരാള്‍ അപകടത്തില്‍പ്പെട്ട് മരണമടഞ്ഞിരുന്നു. നിരവധിപേര്‍ ഇവിടെ ഒഴുക്കില്‍പെട്ട് മരിച്ചിട്ടുണ്ട്.
