മട്ടന്നൂര് : കണ്ണൂര് രാജ്യാന്തര വിമാനത്താവളത്തില് നിന്ന് 26 ലക്ഷം രൂപയുടെ സ്വര്ണം പിടികൂടി. നാദാപുരം സ്വദേശികളായ അമ്മയില്നിന്നും മകളില് നിന്നുമാണ് 528 ഗ്രാം സ്വര്ണം പിടികൂടിയത്. പേസ്റ്റ് രൂപത്തിലുള്ള സ്വര്ണ മിശ്രിതം പാന്റിനുള്ളില് ഒളിപ്പിച്ചാണ് കടത്താന് ശ്രമിച്ചത്. കസ്റ്റംസ് അസി.കമ്മിഷണര് മുഹമ്മദ് ഫായിസ്, സൂപ്രണ്ടുമാരായ പി.സി.ചാക്കോ, ശ്രീവിദ്യ സുധീര് തുടങ്ങിയവരുടെ നേതൃത്വത്തിലായിരുന്നു പരിശോധന.
