തിരുവനന്തപുരം: സംസ്ഥാനത്താകെ നാശം വിതച്ച് മഴ. അതേസമയം കനത്ത മഴയ്ക്കിടെ മരം വീണ് പേരാവൂര് പോലീസ് സ്റ്റേഷന് ഭാഗികമായി തകര്ന്നു. പോലീസ് സ്റ്റേഷന്റെ പിന്ഭാഗത്തെ ആസ്ബറ്റോസ് ഷീറ്റുകളാണ് തകര്ന്നത്. കണ്ണൂര് പ്ലാസക്ക് സമീപം ഓടുന്ന വാഹനങ്ങള്ക്ക് മുകളില് മരം വീണു. രണ്ട് കാറും ഒരു ഓട്ടോയും തകര്ന്നു. ഇരിക്കൂര് സ്വദേശി വത്സലക്ക് പരുക്കേറ്റു. സംസ്ഥാനത്ത് മഴ കനക്കുന്ന സാഹചര്യത്തില് മത്സ്യത്തൊഴിലാളികള്ക്ക് ജാഗ്രതാ നിര്ദേശം. കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ്. മുഴുവന് ജില്ലകളിലും കണ്ട്രോള് റൂമുകള് തുറന്നു. കനത്ത മഴയ്ക്കൊപ്പം മഴക്കെടുതികളും വര്ധിച്ച സാഹചര്യത്തില് സംസ്ഥാനത്ത് ദുരന്തനിവാരണ പ്രവര്ത്തനങ്ങള് ഏകോപിപ്പിക്കാന് ജില്ലാ കണ്ട്രോള് റൂമുകള് തുറന്നു.
