തിരുവനന്തപുരം: കനത്ത മഴയില് പ്രതിപക്ഷ നേതാവിന്റെ ഔദ്യോഗിക വസതിയായ കന്റോണ്മെന്റ് ഹൗസിന് മുകളില് മരം വീണു. അഗ്നിരക്ഷാ സേന സ്ഥലത്തെത്തി മരം മുറിച്ചു മാറ്റാനുള്ള ശ്രമം ആരംഭിച്ചു. വൈകുന്നേരം അഞ്ചു മണിയോടെയാണ് അപകടം നടന്നത്. തിരുവനന്തപുരം ജില്ലയില് കനത്ത മഴയാണ് പെയ്യുന്നത്. അതേസമയം കനത്ത മഴയില് സംസ്ഥാനവ്യാപകമായി വന് നാശനഷ്ടം റിപ്പോര്ട്ട് ചെയ്തു. ചാലക്കുടിയിലും പരിസരങ്ങളിലും ഇന്നു രാവിലെയുണ്ടായ മിന്നല് ചുഴലിയില് കനത്ത നാശനഷ്ടമുണ്ടായതായി കെഎസ്ഇബി അറിയിച്ചു.
