കോഴിക്കോട് : റെയിൽവേ ഗേറ്റിന് സമീപമുള്ള അടിക്കാടിന് തീ പിടിച്ചത് പരിഭ്രാന്തി പരത്തി. ദേശീയപാത മൂരാട് നിന്ന് കോട്ടക്കലിലേക്ക് പോകുന്ന റോഡിൽ റെയിൽവേ ഗേറ്റിന് സമീപത്തുള്ള അടിക്കാടിനാണ് തീപിടിച്ചത്. റെയിൽവേയുടെ പുറമ്പോക്ക് ഭൂമിയിലേക്ക് ആരോ അലക്ഷ്യമായി എറിഞ്ഞ സിഗരറ്റ് നിന്നാണ് തീ പടർന്നതെന്ന് സമീപത്തുള്ളവർ പറയുന്നു. വടകര അസിസ്റ്റന്റ് സ്റ്റേഷൻ ഓഫീസർ കെ ടി രാജീവിന്റെ നേതൃത്വത്തിലുള്ള ഫയർഫോഴ്സ് സ്ഥലത്തെത്തി തീയണച്ചു. ചൂടു വർധിക്കുന്നതോടെ തീപടരുന്നത് പലയിടത്തും പതിവായിരിക്കുകയാണ്.
